Malgrad la vischinonza dil territori da skis Flem-Laax-Falera ha il turissem ina mudesta, denton adina pli impurtonta, muntada. A Schluein existan quater ustrias che vegnan frequentadas surtut dils indigens. Igl ei quei l’ustria Posta Veglia alla via cantunala el center denter las duas parts dil vitg, il restaurant Am Rhein/Texas a Casanova agl ur dil marcau da Glion, l’ustria Löwenberg en la scheina Vitg e l’ustria Posta Nova egl anteriur baghetg da posta.

Ils 23 d’avrel 2007 ei vegniu fundau la Golf Sagogn-Schluein SA. La primavera 2007 ei succediu l’emprema badigliada cun l’entschatta dallas lavurs da construcziun. La plazza da golf ei integrada en la cuntrada en accord cun la natira. Per omisduas vischnauncas munta la plazza da golf in augment dalla valur dil spazi da recreaziun ella vischinonza.

E-mail: info(at)golfsagogn-schluein.ch

http://www.golfsagogn-schluein.ch