Essas Vus setratgs neutier da niev en nossa vischnaunca ni haveis Vus l'intenziun da midar domicil proximamein a Schluein?

Sche Vus setargeis neutier haveis Vus da s'annunziar enteifer 8 dis tier la controlla da habitonts. Nus duvrein ils documents suandonts per saver registrar l'annunzia:

 

Per burgheis svizzers:
• scret da patria
• certificat d'assicuranza dalla cassa da malsauns

• cudisch militar e/ni cudischet dalla protecziun civila (per ils obligai da far survetsch)

• carta d'AVS

 

Sche Vus leis s'annunziar en nossa vischnaunca sco dimorant duront l'jamna, duvrein nus in certificat d'origin da Vossa vischnaunca da domicil.

 

Naziunalitads jastras:
(Procedura da permissiun per permissiuns sur 3 meins)
• pass/carta d'identitad
• legitimaziun d'jasters, sche avon maun
• damonda per lubientscha d'jasters UE/AECL (Associaziun europea da commerci liber) (A1) ni

   damonda per lubientscha d'jasters UE/AECL (B1) e/ni garanzia per la dimora
• contract da lavur (tier la damonda per lubientscha A1 UE-17/AECL buca necessari) 
• certificat d'assicuranza dalla cassa da malsauns

- Damonda lubientscha per jasters UE/AECL (A1)

- Arrivada successiva dalla famiglia UE/AECL (A2)

- Damonda lubientscha per jasters ordeifer UE/AECL (B1)

- Arrivada successiva dalla famiglia ordeifer UE/AECL (B2)

- Formular F Damonda per dispensaziun dall'obligaziun da segirar confamigliars

- Questiunari sclariment obligaziun da segirar confamigliars

 

Procedura d'annunzia per permissiuns entochen 3 meins respectiv 90 dis da lavur

Informaziuns e formular d'annunzia

 

• Link Uffeci per industria, mistregn e lavur dil Grischun
• Link Polizia da persunas jastras Grischun 

Igl 1 da zercladur 2002 ein las cunvegnas bilateralas denter la Svizra, la UE e ses stats commembers sco era la cunvegna revidida dalla UE/AECL entradas en vigur. Da niev ein buc mo tut las persunas domiciliadas en Svizra suttamessas agl obligatori dall'assicuranza da malsauns. Era lur confamiliars che lavuran buc cun domicil en in stat dalla UE ni AECL ston da principi seschar asssicurar en Svizra per la tgira da malsauns.

 

Midadas d'adressa enteifer la vischnaunca

 

Haveis Vus ina nova adressa enteifer la vischnaunca?

Nus supplichein Vus d'annunziar era quella enteifer 8 dis alla controlla da habitonts.

Per la midada duvrein nus ils documents suandonts:
• quittanza dallas scartiras deponidas 
• cudisch millitar e/ni cudischet dalla protecziun civila (per ils obligai da far survetsch)
• persunas digl exteriur han da presentar la legitimaziun d'jasters

 

Partenza

 

Haveis Vus l'intenziun da bandunar nossa vischnaunca?

Per l'annunzia da partenza duvrein nus ils suandonts documents:

• quittanza dallas scartiras deponidas 
• cudisch millitar e/ni cudischet dalla protecziun civila (per ils obligai da far survetsch)

• persunas digl exteriur han da presentar la legitimaziun d'jasters

Aschispert che nus havein retschiert ils documents menziunai sura, vegnin nus a far igl avis da partenza ed a remetter a Vus las scartiras deponidas.

 

Locatur - Avis da midada e partenza

 

Scheis Vus vi ina habitaziun?

Nus supplichein d'annunziar a nus tuttas mutaziuns sut info(at)schluein.gr.ch