Zona da ruaus per uaul e selvaschina
Uaul da Gonda
Per garantir allas selvaschinas il ruaus el territori da viver d'unviern e per evitar donns vid igl uaul, ha la regenza decidiu da fixar igl intschess dallas vischnauncas da Falera, Schluein e Sagogn sin la carza sco zona da ruaus per uaul e selvaschina e quei sur la planisaziun locala ils 28 da settember 2004 per la vischnaunca da Falera ed ils 10 d'uost 2004 per las vischnauncas da Sagogn e Schluein, sebasond sigl art. 27 dalla lescha cantunala da catscha, art. 48c dalla lescha da baghegiar communala da Falera, art. 64a dalla lescha da baghegiar communala da Sagogn ed art. 57a dalla lescha communala da Schluein.
Duront ils 15 da december entochen ils 20 da mars per la vischnaunca da Falera e ils 15 da december entochen ils 30 d'avrel per las vischnauncas da Sagogn e da Schluein, eis ei scumandau da passar e da carrar sin quei territori.
Deliberadas da quei scamond ein persunas ufficialas che exequeschan leu lur lavur. Resalvai ein trutgs ni sendas da viander per la stad. Surpassaments vegnan puni tenor igl art. 27 en cumbinaziun cugl art. 47 dalla lescha cantunala da catscha.
Falera, ils 28 da settember 2004
Sagogn e Schluein, ils 10 d'uost 2004
Amt für Jagd und Fischerei Graubünden