plaz d’auto-rulottas
Cordial beinvegni sil plaz d’auto-rulottas a Schluein. Ei legra nus che Vus essas nos hosps e nus giavischein a Vus in’emperneivla dimora.
Dil plaz sa era vegnir fatg diever igl unviern, ei ha denton buca liug ina rumida da neiv!
Il plaz (chis/gera) sesanfla dalla vart seniastra dil Rein Anteriur cun access direct alla Via Cantunala H19.
Ir cun cajac, velo, viagiar, dar golf, senudar e bia dapli – ni semplamein guder.
Ustrias e stizuns sesanflan en ina distanza da 500 m. Naven dil plaz san ins entscheiver cun ina runda da nordic-walking, la tura da velo ni in’excursiun ella Ruinaulta.
Il plaz vegn administraus dalla vischnaunca Schluein. Ei dat parcadis per grondas (frs. 30.00 per gi) e mesaunas/pintgas (frs. 25.00 per gi) auto-rulottas.
Mo per auto-rulottas cun atgna tualetta.
