skip to Main Content
Überschrift Gestaltungselement

Historia

La moda da scriver Schluein ha fatg el decuors dils tschentaners atras differentas midadas. En la pli veglia scartira digl onn 1298 vegn ei duvrau il plaid „Sluwen“.

En in register digl onn 1325 stat ei scret „Slowins“. Il num „Schlöwis“ cumpara l’emprema gada el 14avel tschantaner, cura ch’ils conts da Werdenberg-Sargans han cumprau il Casti Löwenberg cun la vischinonza Schlöwis. A quels conts haveven ils libers da Laax naven digl onn 1392 da pagar lur taglias. Era ils libers da Sevgein havevan da dar giu las taglias dallas alps al Löwenberg.

Il pensum da tgirar ils dretgs dils conts havevan ils castellans che resideven tier Löwenberg. Pli tard fuva il casti da Löwenberg el possess dalla famiglia Demont ed ei lu ius vi el possess d’ina fundaziun ecclesiastica. Tochen igl onn 1972 era la Fundaziun Löwenberg ina casa d’orfans. Oz ei il Löwenberg in center transitori per requirents d’asil.

Schluein posseda ina imposanta baselgia dil temps baroc ch’ei 1716 vegnida consecrada a Sogn Pieder e Sogn Paul. 1850 ei Schluein daventaus in’atgna pleiv parochiala. 1981 ei la renovaziun dalla baselgia ida alla fin.

Geschichte
Gestaltungselement
Close search
Search